జేడీ చక్రవర్తి భార్య కూడా డైరెక్టర్ యోగిపై ఫిర్యాదు చేసింది!

తనను వేధింపులకు గురి చేశాడంటూ షార్ట్ ఫిల్మ్ డైరెక్టర్ యోగిపై నటి హారిక పోలీసులకు ఫిర్యాదు చేసిన సంగతి తెలిసిందే. ఈ కేసుకు సంబంధించి పోలీసు విచారణలో మరో కొత్త విషయం వెలుగు చూసింది. అనుకీర్తి అనే నటి కూడా యోగిపై 2016 జూలైలో జూబ్లీహిల్స్ పోలీసులకు ఫిర్యాదు చేసింది. అభ్యంతరకరంగా నటించాలంటూ తనపై ఒత్తిడి చేసినట్టు ఆ ఫిర్యాదులో పేర్కొంది. అదే ఏడాదే నటుడు జేడీ చక్రవర్తిని అనుకీర్తి వివాహం చేసుకుంది. మరోవైపు, యోగికి సంబంధించి మరిన్ని విషయాలను అన్వేషించే పనిలో పోలీసులు ఉన్నారు. పాత కేసులను బయటకు తీస్తున్నారు.